Martxoaren 8an, ostiralean, Boskotaldea Federazioko Gazte Zentroen Topaketa ospatu genuen Azkoitian. 19:00tan eman genion hasiera festari eta gauerdira arte luzatu zen festa. Parte hartzaileak iristean merienda eman eta taldeko argazkiak atera genituen. Jarraian aukera zabala genuen disfrutatzeko: puzgarriak, laser tag, simuladoreak, photocall… Oso ondo pasa genuen saltoka eta argazkiak ateratzen. Gainera, kanpaldietan egindako lagunekin egotera aukera paregabea izan zen.

Bederatziak eta laurden aldera afaltzeko ordua iritsi zen eta gurasoek goxo-goxo prestatutako ogitartekoak eta hanburgesak jan genituen. Ze goxoa zegoen dena. Ondoren, izugarrizko ekintza berezi eta berria izan genuen. Street Scape izeneko ekintza dibertigarria. Mugikorrera aplikazio bat jaitsi genuen eta bertako jarraipenen bidez herrian zehar enigma eta igarkizunak asmatu eta erantzun behar izan genituen. Azkenean talde batek ezkutuko kutxa irekitzea lortu zuen. Jokoaren bidez taldea lanean aritu ginen eta kanpotik etorritakoek herria ezagutzeko aukera ere izan zuten.

Azkenik, otoitz eta hausnarketa momentu baten ondoren, oparitxo bat eman ziguten gure bidea aurkitzen jarraitzeko. Oso ondo pasa genuen, datorrenaren zain geratzen gara.

Pixkanaka uda gerturatzen ari da, eta baita udako kanpaldiak ere. Aurten ere salestarrek antolatutako kanpaldietan parte hartzeko aukera izango duzue. Honen bidez, jakinarazten dizuegu izen-ematea irekita dagoela OTSAILAREN 9A, LARUNBATA arte. Ikasturte honetan zehar ADS taldeetan parte hartzen dutenek aukera dute udan Somalo eta Logroñora joateko.

Esperientzia horretan, gauza zoragarri piloa partekatuko ditugu: festak, alaitasuna, lagun berriak, talde eta igerileku momentuak, irteerak, kanpoan egindako ekintzak… Urte guztiko ADS taldeetako esperientziaren amaiera biribila izango da.

Segidan eskura dauzkazue izena emateko orriak: LH4 / BESTEAK

Azkeneko urteetako ohiturari jarraituz, datorren abenduaren 26an, Barakaldoko PIN-era joango gara egun pasa. Bertan, gabonetako parke erraldoia egon ohi da eta bertan ekintza ugariz gozatzeko aukera egoten da: barrakak, tailerrak, izotz pista, jolasak….

Egun horretan, goizeko 9:00etan irtengo gara Azkoititik eta gaueko 20:00etan itzuliko gara. Bazkaria, kamiseta laranja eta ondo pasatzeko gogoa eraman behar dira.

Aldaketarik ez bada, autobusen irteera eta etorrera eliz-atarian izango da.

Izen ematea abenduaren 8an, larunbatean, amaituko da. Beraz, animatu zaitezte eta eman izena. Egun polita igaroko dugu.

Izen-emate orria eskuratzeko sakatu ondorengo esteka: Izen-emate orria

Ostiral eta larunbat honetan Alai Batza izan dugu. Ostiralean ADS taldeetara itzuli ginen gai desberdinak​ ​lantzeko. Gazte kluban, masterchef lehiaketa eduki genuen, froga desberdinak eginez hainbat janari prestatu genituen eta amaieran chefik hoberena ezagutu genuen.

Larunbatean Alai Batza izan genuen, bertan lehenengo aldiz tailerra egiteko auketa, play station txapelketa, jolas desberdinak, euskaraldirako photocalla , 7etako momentua eta hainbat aukera desberdin izan genituen arratsalde osoan zehar jolasteko. Lh 4. mailakoei alai batza gelako gune eta arauak esan zitzaizkien eta 8:00etan etxera joan ginen.

Datorren astean AB GAUA izango dugu. Izena eman dezakezue azaroaren 15era arte.

Gerturatzen ari da AB Gaua. Aurtengoan, datorren astean izango da, azaroaren 17an. Urtero egin ohi dugunez, 21:00etan elkartuko gara eta mundu ezberdin batean murgilduko gara. Gaua bertan pasa eta gosaldu ondoren etxera joango gara. Afaria eta lo-zakua eraman behar dira.

Ekintza honetan, LH5etik DBH2ra artekook hartu dezakezue parte. Izena emateko aukera duzue azaroaren 15a arte. Hemen duzue izen-emate orria.

Animatu gau ezberdin bat igarotzera!