Uztailaren 20tik 27ra bitartean, Somalon izan gara DBH1ekoak. Bertan Barakaldo, Santander,Errenteria eta Azkoitiko jendea bildu gara eta 7 egun zoragarri pasatu ditugu. Bertan ez dugu aspertzeko aukerarik izan, lehenengo egunetik ekintza pila batez gozatu ahal izan baitugu.
Historiari buruzko kanpamendua zenez, egun bakoitza historiaren garai desberdinetan girotuta zegoen. Historiaurretik hasita, aldi modernorainoko bidaia egiteko aukera izan dugu. Egunero goizeko 8:30etatik gaueko 12ak arte gelditu ere egin gabe, hainbat ekintza burutuz. Horien artean, tailerrak, gymkanak, txapelketak… Horrez gain, egun batean Urbasara irteera egin genuen, Urederra ibaia ikusiz. Benetan egun zoragarri batez gozatzeko aukera izan genuen.

Haur eta monitore guztiok primeran pasa dugu kanpaldi honetan eta orain, hurrengo urteko kanpaldiaren zain geratzea besterik ez zaigu geratzen. Hurrengo urtean egindako lagun guztiak ikusteko aukeraz gain, beste kanpaldi zoragarri bat pasatzeko esperantzarekin bueltatuko gara Somalora.

Argazkiak ikusteko sakatu – HEMEN -. Cliquea para ver las fotos.

Kaixo lagunok!!

Dakizuen moduan, Somalon (Errioxan) egon gara DBH 2koak Azkoitia, Errenteria, Barakaldo eta Santanderreko jendearekin, uztailaren 13tik 20ra. Bertan ez dugu aspertzeko aukerarik izan eta gainera eguraldiak asko lagundu digu. Aktibitate asko egin ditugu, mendi irteera, gymkanak, igerilekura joan, taldeak eman…

Gure kanpaldia historian oinarrituta zegoen (prehistoria, Grezia, Roma, erreboluzio frantsesa, aldi modernoa…). Egun bakoitza garai desberdin batean oinarrituta zegoelarik. Prehistoriaren egunean jolas batzuk egin genituen. Erreboluzio frantsesean umeak beraiek aukeratzen zuten egin nahi zuten guztia. Beste egunak ere gauza interesgarriak izan zituzten eta deskantsatzeko denborarik gabe azken gaua iritsi zen, diskoteka, monitoreen kantua, lagun ezkutua…

Oso giro alaia egon da, egun osoa dantzatzen edo kantatzen pasatzen genuen. Oso gustura etorri gara gure etxeetara, hurrengo urtean bueltatzeko gogo askorekin eta egin ditugun lagun guztiak urtean zehar ikusteko asmoz.

Argazkiak ikusteko sakatu- hemen -para ver las fotos.

Aurreko astean DBH 3. mailakoak bildu ziren, guztira laurogei lagun. “Kamchatkako konkista” gaia landu dute eta egun horietan zehar beraien bizitzako elementu garrantzitsuenak konkistatzen aritu dira.

Beti bezala, astea ekintzez beteta egon da: bilerak, tailerrak, festak eta jaialdiak, ibilaldiak, hausnarketa eta otoitzak… eta batez ere, adiskidetasuna…

Esan dezakegu mutil eta nesken artean sortutako giroa oso ona izan dela eta espero dugu aste horretako barneko fruituak norberaren bizitzara eraman ditzatela.

Argazkiak ikusteko sakatu – hemen -. Cliquea para ver las fotos.

Alai Batzako neska eta mutilek Errioxa aldean jarraitzen dute, Salestarrek antolatutako kanpaldietan.

Azkeneko astean Somalon DBH 4. mailakoak egon dira. “Kamchatkako konkista” gaia landu dute ekainaren 29tik uztailaren 6ra. Egun horietan zehar beraien bizitzako elementu garrantzitsuenak konkistatzen aritu dira.

Beti bezala, astea ekintzez beteta egon da: bilerak, tailerrak, festak eta jaialdiak, ibilaldiak, hausnarketa eta otoitzak… eta batez ere, adiskidetasuna…

Aste honetan, uztailaren 6tik 13ra, bi txanda batera ari dira egiten: Logroñon LH 5. mailakoak eta Somalon, DBH3koak. Geroago etorriko dira DBH 1 eta 2koen txandak, eta gazte helduagoenak…

Argazkiak ikusteko sakatu – HEMEN– cliquea para ver la fotos.

LH6ko neska eta mutilak (12 urtekoak) Logroñon egon ziren ekainaren 29tik uztailaren 6ra “Festatik Festara” izeneko kanpaldia egiten.

Ume guztiek gozatu egin zuten prestatutako ekintza guztietan parte hartuz: tailerrak, festak eta jaialdiak, ibilaldiak, igerilekua, meza… Gainera, giza baloreak lantzen egon dira taldeetan, horien artean solidaritatea, adiskidetasuna, fedea…  Horretaz aparte, han beste tokietako lagun berriak egin dituzte eta datozen urteetan berriz elkarrekin egongo dira.

ARGAZKIAK IKUSTEKO SAKATU HEMEN