Dakizuen moduan, Somalon (Errioxan) egon gara DBH 2koak Azkoitia, Errenteria, Barakaldo eta Santanderreko jendearekin, uztailaren 13tik 20ra. Bertan ez dugu aspertzeko aukerarik izan eta gainera eguraldiak asko lagundu digu. Aktibitate asko egin ditugu, mendi irteera, gymkanak, igerilekua, ospakizunak…

Gure kanpaldia historian oinarrituta zegoen (prehistoria, Grezia, Roma, Frantziako Iraultza, aldi modernoa…). Egun bakoitza garai desberdin batean oinarrituta zegoelarik. Prehistoriaren egunean jolas batzuk egin genituen. Frantziako Iraultzean umeek beraiek aukeratu zuten egin nahi zuten guztia. Beste egunek ere gauza interesgarriak izan zituzten eta atseden hartzeko denborarik gabe azken gaua iritsi zen, diskoteka, monitoreen kantua, lagun ikusezina…

Oso giro alaia egon da, egun osoa dantzatzen edo kantatzen pasatzen genuen. Oso gustura etorri gara gure etxeetara, hurrengo urtean bueltatzeko gogo askorekin eta egin ditugun lagun guztiak urtean zehar ikusteko asmoz.

 

Gaur ere eguraldi txarra! Hala ere, HH5-LH1kook irribarrea atera diogu egunari. Hasteko, antzerki polit eta eder bati kusi dugu eta ondoren, biharko Dancing Showrako entseatu dugu. Azkenik, jolasean eta ipuinak ikusten eta entzuten egon gara.

HH3 eta 4koek zirkuaren eguna izan dugu. Lehenbizi, pailazo-mozorro bat egin dugu, gu geu pailazo bihurtzeko, eta ondoren, hainbat jolasetan ibili gara: parakaidasarekin, koltxonetekin, bola-jokoan…

LH 2-tik gorakoak astronauta bihurtu gara gaurko egunez eta espaziontziak egin ondoren espazioan bueltaka ibili gara eguzki sistema gertutik ezagutuz. Amaieran biharko festa handirako dantzak entseatu ditugu eta eguraldiak asko lagundu ez digun arren egun zoragarria pasa dugu.

Urtero gertatzen den bezala, aurten ere, Alai Batzako neska eta mutilak Errioxa aldean dabiltza, Salestarrek antolatutako kanpaldietan.

Han biltzen dira gure inguruko beste salestar eskola eta parrokietako ume eta gaztetxoekin. Bizkaia, Araba, Nafarroa, Kantabria, Gaztela eta Errioxako ume ugari biltzen dira, astebete irauten duten kanpaldietan. Begirale eta salestarrak dira gaztetxoen laguntzaile.

LH6ko neska eta mutilak (12 urtekoak) Logroñon egon ziren ekainaren 29tik uztailaren 6ra “Festatik festara” izeneko kanpaldia egiten. Ume guztiek gozatu egin zuten prestatutako ekintza guztietan parte hartuz: tailerrak, festak eta jaialdiak, ibilaldiak, igerilekua, meza,… Horretaz aparte, han beste tokietako lagun berriak egin dituzte eta datozen urteetan berriz elkarrekin egongo dira.

Alai Batzako neska eta mutilek Errioxa aldean jarraitzen dute, Salestarrek antolatutako kanpaldietan.

Azkeneko astean Somalon DBH 4. mailakoak egon dira. Egun horietan zehar beraien bizitzako elementu garrantzitsuenak lantzen aritu dira.

Beti bezala, astea ekintzez beteta egon da: bilerak, tailerrak, festak eta jaialdiak, ibilaldiak, hausnarketa eta otoitzak… eta batez ere, adiskidetasuna…

Aste honetan, uztailaren 6tik 13ra, bi txanda batera ari dira egiten: Logroñon LH 5. mailakoak eta Somalon, DBH3koak.  Geroago etorriko dira DBH 1 eta 2koen txandak, eta gazte helduagoenak…

Urtero gertatzen den bezala, aurten ere, Alai Batzako neska eta mutilak Errioxa aldean dabiltza, Salestarrek antolatutako kanpaldietan.

Han biltzen dira gure inguruko beste salestar eskola eta parrokietako ume eta gaztetxoekin. Bizkaia, Araba, Nafarroa, Kantabria, Gaztela eta Errioxako gatetxo ugari biltzen dira, astebete irauten duten kanpaldietan. Begirale eta salestarrak dira gaztetxoen laguntzaile.

LH4ko neska eta mutilak (10 urtekoak) Somalon egon ziren ekainaren 24tik 29ra “Izotzaren erreinua” izeneko kanpaldia egiten. Nahiz eta baten bati etxetik kanpo egotea kostatu, azkenean ume guztiek gozatu egin zuten prestatutako ekintza guztietan parte hartuz: tailerrak, festak eta jaialdiak, ibilaldiak, igerilekua, meza,… Horretaz aparte, han beste tokietako lagun berriak egin dituzte eta datozen urteetan berriz elkarrekin egongo dira.